Karriere innan vasskraft

Kraftanlegga i Hallingdal treng arbeidskraft. Den største bedrifta i Hallingdal er Hafslund som har hovedkontor på Gol.

Men også kommunale kraftverk og private småkraftverk har bruk for ulik yrkeskompetanse.

Drift og vedlikehald av linjenettet i Hallingdal treng også folk med ulik yrkesbakgrunn. Her kan du lese om Karrieremuligheter | Hallingdal.

Arbeidsoppgåver:

Sjå filmen om karriereval innafor kraftproduksjon. Kor mange ulike yrke blir nemnt i filmen?
Vel eit eller fleire yrke som blir nemnt i filmen over og finn ut kva utdanning som krevst.
Vurder eigne interesser og kvalifikasjonar. Kva yrke innan kraftproduksjon eller drift og vedlikehald av linjenettet trur du ville passe best for deg? Kvifor?

Sjølv om den store anleggsperioden er over i Hallingdal, er det stadig bruk for anleggskompetanse. Godfarfossen er under bygging. Gamle anlegg og dammar blir renoverte eller erstatta av nye. Sjå eit døme: FILM

Truleg vil det bli nødvendig med større oppgradering og utviding av eksisterande kraftanlegg. I dette arbeidet er det bruk for kompetanse innan bygg og anleggsteknikk, fjell- og bergdrift m.m.

Arbeidsoppgåver:

Gå til nettsida https://utdanning.no og finn aktuelle utdanningsval som gir kompetanse innan vedlikehald og bygging av kraftanlegg og kraftstasjonar. Eit eksempel: søk på fjell- og bergverksarbeider.
Vurder eigne interesser og kvalifikasjonar. Kva yrke innan vedlikehald og bygging av kraftanlegg trur du ville passe best for deg? Kvifor?

Kompetansemål utdanningsval, ungdomsskole:

tileigne seg kunnskap om arbeidslivet gjennom utprøving og utforsking og reflektere over korleis berekraftsmål, konjunkturar og teknologi påverkar arbeidsmarknad, yrke og arbeidsmåtar.
utforske og drøfte kjønnsrelaterte perspektiv i eit karriereval.

Kompetansemål, vidaregåande:

programfag innan bygg- og anleggsteknikk, elektro og datateknologi, teknologi og industrifag.