Det grøne skiftet

Fornybar energi blir gjerne kalla grøn energi. Energien blir produsert som er ein del av det naturlege kretsløpet. Energi produsert ved hjelp av kol, olje og gass er ikkje fornybar. Dette er fossil energi som ligg lagra i jordskorpa og som ein dag vil ta slutt. I tillegg vil forbrenninga frigjere skadelege gassar som er med på å auke den globale oppvarminga.

Elektrisitet produsert i eit vasskraftverk er fornybar, grøn og rein. Vatnet er like reint etter at det har gjort jobben inne i kraftverket. Av omsyn til miljøet, blir det viktig å legge om energiforbruket vårt til fornybare energikjelder.

Oppgåver:

Kva blir rekna som fornybar energi i tillegg til vasskraft? Les t.d. om fornybar energi her: https://snl.no/fornybar_energi.
Finn fordelar og ulemper ved ulike former for fornybar energiproduksjon.
Bør me produsere meir fornybar energi i Hallingdal? Drøft konsekvensar ved ulike alternativ.
Er kjernekraft grøn energi? https://snl.no/kjernekraftverk
Bør me bygge kjernekraftverk i Noreg? Er kjernekraft eit alternativ til olje og gass? Kva meiner ulike fagmiljø og interessegrupper? Kva meiner du? Drøft.
Korleis skal me løyse energibehovet i framtida? Kva er det beste alternativet? Kvifor? Drøft.
Transportsektoren skal fase ut fossil energi. Kva er etter di meining det beste alternativet? Kvifor?
Ei vindmølle produserer i snitt 14 GWh i året. Kor mykje elektrisk kraft blir produsert i Hallingdal? Kor mange vindmøller må til for å produsere like mykje? Kvar kunne desse vindmøllene bli plassert? Drøft plassering av vindmøller og solparkar i Hallingdal.

I Hallingdal er det bygd fleire småkraftverk. Små private energianlegg har vorte vanlege på låveveggar og hustak. Det blir også lagt til rette for å gjera tiltak som skal redusere varmetap frå bustadhus. Enova er eit statsføretak som mellom anna hjelper til med støtteordningar som reduserer klimagassutsleppet. Visste du f.eks at Enova gir støtte til kjøp av elmoped og elmotorsykkel?

Arbeidsoppgåver:

I filmen fortel Ola Stave om ei interessekonflikt mellom naturvern og utbyggingsinteresser. Kva meiner du bør vega tyngst? Kvifor?
På kva måtar kan privatpersonar produsere eigen straum? Finn fordelar og ulemper med dei ulike produksjonsmåtane?
Kva tiltak kan reduserere varmetap frå ein bustad?
Gå til nettsida https://www.enova.no. Lag ei liste over energisparingstiltak Enova gir støtte til. Drøft kva tiltak du meiner gir størst effekt. Finn du tiltak som er aktuelle for deg?
Kva kan kvar enkelt av oss gjera for å redusere energibruken? Treng me å minke energiforbruket vårt?
Undersøk kor mykje straum din familie brukar i året? Er det gjort tiltak som reduserer energibruken heime hjå deg? Kva tiltak er gjort? Kan du finne ut kor mykje straumforbruket er redusert med dei tiltaka som er gjort?

Naturvernforbundet har tips til energisparing:

https://naturvernforbundet.no/energi/energisparing/

Kompetansemål samfunnsfag, ungdomsskole:

utforske korleis teknologi har vore og framleis er ein endringsfaktor, og drøfte innverknaden teknologien har hatt og har på enkeltmenneske, samfunn og natur.

Kompetansemål naturfag, ungdomsskole:

drøfte korleis energiproduksjon og energibruk kan påverke miljøet lokalt og globalt.

Kompetansemål geografi fellesfag, vidaregåande:

reflektere over eigen ressursbruk og ressursbruken i Noreg i eit globalt og berekraftig perspektiv.

Kompetansemål, fysikk, vidaregåande:

vurdere ulike påstandar og argument om energi og klima i samfunnsaktuelle problemstillingar.

Kompetansemål, geofag, vidaregåande:

drøfte korleis energiressursar frå hav og atmosfære kan bli utnytta på ein berekraftig måte både nasjonalt og globalt.

Kompetansemål, naturfag (elektrofag), vidaregåande:

gjere greie for samanhengar mellom elektrisk energi og effekt og presentere nokre energieffektive løysingar i bygg.